Bugin

67 адамның бәрі ажал құшты: АҚШ-тағы ұшақ апатының егжей-тегжейі

Авторларды қолдау орталығы

mediabugin@gmail.com

Фото: bbc.com

Вашингтондағы ұшақ апатынан 67 адам қаза тапты, деп хабарлайды Bugin.kz порталы. 

Кеше, 30 қаңтар күні АҚШ астанасында жолаушылар ұшағы мен тіқұшақ соқтығысты. Ұшақта 60 жолаушы, экипаждың төрт мүшесі болған, оған соғылған тікұшақта үш әскери қызметкер отырған. Олардың бәрі мерт болды. 

Ұшақ та, тікұшақ та Потомак өзеніне құлады. Құтқарушылар өзеннен қаза тапқан адамдардың денесін алып шықты. Жолаушылар арасында танымал мәнерлеп сырғанаушылар мен жаттықтырушылар болған. Апатқа не себеп болғаны әзірге белгісіз. 

Колумбия округі өрт сөндіру қызметінің басшысы Джон Доннелли құтқару жұмыстары түнгі уақытта болуына және төмен температураға байланысты қиындағанын мәлімдеді. 

Осыған байланысты Қасым-Жомарт Тоқаев АҚШ президенті Дональд Трампқа көңіл айту жеделхатын жолдады.