Жоқ балаға ақша алған: Маңғыстау облысында балабақша директоры сотталды

Маңғыстау облысында балабақша директоры 3 жылға сотталды. Ол балабақшада жоқ балалар үшін қаражат алып отырған, деп хабарлайды Bugin.kz порталы. 

Прокуратура Маңғыстау ауданында тексеру кезінде жекеменшік балабақшаға бармаған балалар үшін бюджеттен 6,6 млн теңге заңсыз төленгенін анықтаған. 

Осы бойынша қылмыстық іс қозғалып, тергеу аяқталған соң ол сотқа жолданды. Сот үкімімен балабақша директорының 3 жыл мерзімге бас бостандығы шектелді. Сондай-ақ ол 2 жыл мектепке дейінгі оқыту мен бала тәрбиелеуді ұйымдастыру саласында қызметпен айналысу құқығынан айырылды.