Мәжіліс депутаты Руслан Берденов қызметінен кетуі мүмкін — дереккөз

Мәжіліс депутаты Руслан Берденов Парламенттегі жұмысын аяқтап, жаңа қызметке тағайындалуы мүмкін, деп хабарлайды Bugin.kz порталы. 

Ulysmedia.kz порталының дерегінше, ол Шымкент қаласы әкімінің орынбасары қызметіне тағайындалуы мүмкін. 

"Ол жақында  өзінің туған жері  Шымкент қаласы әкімінің орынбасары қызметіне тағайындалмақ. Берденовтің кандидатурасын Президент әкімшілігі мақұлдаған", — деп жазылған ақпаратта.

Айта кетейік, қазіргі таңда Шымкент қаласының әкімі – Ғабит Сыздықбеков.

Еңбек жолы

Руслан Берденов әр жылдары түрлі салада басшылық қызметтер атқарған. 

Еңбек жолын 2005 жылы "Алматы құс" ААҚ ("Сеймар"тобы) компаниясының бөлшек сауда директоры қызметінен бастады.
2007 жылғы ақпан-2010 жылғы шілде-Procter & Gamble компаниясының бас логистикалық үйлестірушісі.
2010 жылғы шілде-2012 жылғы қараша - "Eastcomtrans" ЖШС жылжымалы құрамды жалдау бөлімінің бастығы.
2012 жылғы қараша-2018 жылғы мамыр - "Ақ ниет" ЖШС Бас директоры.
2018 жылғы қараша-2019 жылғы сәуір - "Ақ ниет" ЖШС Байқау кеңесінің мүшесі.
2019 жылғы сәуір-2023 жылғы наурыз-Aq niet Group Байқау кеңесі төрағасының орынбасары.
2023 жылғы 29 наурыздан бастап - "Respublica" партиясының партиялық тізімі бойынша VIII сайланған Қазақстан Республикасы Парламенті Мәжілісінің депутаты, Қаржы және бюджет комитетінің мүшесі. 2023 жылғы наурыздан бастап VIII сайланған Қазақстан Республикасы Парламенті Мәжілісінің депутаты "Respublica"партиясының партиялық тізімі бойынша сайланды.
2022 жылы Қазақстан Республикасының әлеуметтік-гуманитарлық дамуындағы ерекше жетістіктері, белсенді қоғамдық қызметі, мәдениетті дамытуға қосқан ерекше үлесі үшін "Қазақстанның Еңбек ер"атағы – үздік дәрежесі берілді

Ресми орындар бұл ақпаратқа қатысты әзірге түсініктеме берген жоқ.