Берденовтің Мәжілістегі өкілеттігі мерзімінен бұрын тоқтатылды

Жақында Шымкент қаласы әкімінің орынбасары болып тағайындалған Руслан Берденовтің Мәжілістегі өкілеттігі тоқтатылды, деп хабарлайды Bugin.kz порталы.

“Шымкент қаласы әкімінің 2025 жылы 24 ақпандағы өкімінің Парламент Мәжілісінің депутаты Руслан Арысбекұлы Берденов Шымкент қаласы әкімінің орынбасары қызметіне тағайындалды. Осыған орай ҚР Орталық сайлау комиссиясы Р. Берденовтің өкілеттін мерзімінен бұрын тоқтату туралы ұсыным енгізіп отыр”, - деді ОСК мүшесі Асылбек Смағұлов.

Палата отырысында депутаттың өкілеттігін тоқтату жөніндегі қаулы қабылдады.

Айта кетейік, Руслан Берденов Шымкент қаласының тумасы. 39 жасында мемлекеттік қызмет пен бизнесті мол тәжірибесі бар.

Қазақ, ағылшын, орыс, түрік, азербайжан тілдерінде еркін сөйлейді.

Білімі жоғары, 2006 жылы менеджмент мамандығы бойынша әл-Фараби атындағы Қазақ ұлттық университетін бітірген. 2009 жылы КИМЭП Университетін Іскерлік басқару магистрі (MBA) дәрежесімен бітірді.

2023 жылғы наурыздан бастап VIII сайланған Қазақстан Республикасы Парламенті Мәжілісінің депутаты «Respublica» партиясының партиялық тізімі бойынша сайланды.