Мектеп бітіру кешіне бірқатар шектеу қойылды – министрлік мәлімдеме жасады

Елімізде соңғы қоңырау мен мектеп бітіру кештерін өткізуге қатысты шектеулер әлі де өз күшінде, деп хабарлайды Bugin.kz порталы.

Оқу-ағарту министрлігінің мәліметінше, мұғалімдерге сыйлық беру, ақша жинау, сынып ішінде дастархан жаю және ата-аналардан қаржы талап етуге тыйым салынған. Сонымен қатар, кафе мен мейрамханаларды жалға алу, автокөлік шеруін ұйымдастыру, ойын-сауық орындарында іс-шара өткізуге де жол берілмейді.

Министрлік "Соңғы қоңырау" рәсіміне әр оқушының тек бір ғана заңды өкілі қатыса алатынын ескертті.

2024-2025 оқу жылының соңғы қоңырауы 23 немесе 24 мамыр күні соғылады. Нақты күн мектептің шешімімен белгіленеді.