Саясат Нұрбек: «Болашақ» стипендиаттарының үштен бірі АҚШ-қа виза ала алмай жүр

Ғылым және жоғары білім министрі Саясат Нұрбек АҚШ-қа аттанатын студенттер санының кемуін нақты статистикамен негіздеді. Мәлімдемеге сүйенсек, «Болашақ» бағдарламасы бойынша жолдама алғандардың 30 пайызы консулдық кедергілерге тап болып, виза ала алмаған. Осыған байланысты, мемлекеттік бағдарлама иегерлерінің білім алу құқығын сақтау мақсатында оларды баламалы мемлекеттерге ауыстыру жұмыстары жүргізіліп жатыр. Министр бұл жағдайдың АҚШ бағытындағы көрсеткіштердің қысқаруына тікелей әсер еткенін атап өтті.

Еліміздің жоғары білім жүйесіне шетелдік студенттердің қызығушылығы айтарлықтай өскен. Соңғы мәліметтер бойынша, Таяу Шығыс аймағынан келетін талапкерлер санының артуы байқалады. Шетелдік жастардың таңдауы негізінен Қазақстанда филиалы ашылған Heriot-Watt және Cardiff университеттерінің бағдарламалары халықаралық студенттер арасында жоғары сұранысқа ие. Бұл еліміздегі білім беру экспортының жаңа деңгейге көтерілгенін көрсетеді.

Қазіргі таңда Қазақстанда білім алуға ниетті шетелдік азаматтар үшін studyin.kz мамандандырылған порталы қызмет көрсетеді. Платформаның басты мақсаты — шетелдік талапкерлерге отандық жоғары оқу орындарына түсу барысында ақпараттық қолдау көрсету. Порталда университеттер тізімі, білім беру бағдарламалары және гранттар туралы мәліметтер жинақталған. Бұл ресурс шетелдік студенттер ағынын реттеуге және оларға көрсетілетін қызмет сапасын арттыруға мүмкіндік береді.