NASA Байқоңырдан түсірілген кадрды үздік суреттердің қатарына қосты

NASA өзінің Instagram парақшасында «Союз» зымыранының 2025 жылдың сәуір айында Байқоңырда түсірілген ерекше суретін жариялады. Кадрдағы ұшу алаңы мен зымыранның үйлесімі кәдімгі ғылыми-фантастикалық фильмдердің көрінісіне ұқсас.

«Үш күннен кейін «Союз» NASA астронавты Джонни Ким мен екі космонавтты ХҒС бортындағы сегіз айлық миссиясын орындау үшін төменгі жер маңы орбитасына аттандырды», - делінген жарияланымда.

NASA мәліметінше, астронавт Джонни Ким сегіз айлық миссиясы барысында болашақтың озық медициналық технологияларын сынақтан өткізді. Ол ғарышта медициналық наноматериалдарды қолдану және тіндерді қалпына келтіру әдістемелерін зерттеді. Бұдан бөлек, Ким Ай мен өзге де планеталарға жасалатын болашақ экспедицияларда қолданылатын ғарыштық роботтандырылған жүйелерді сынау жұмыстарына белсене қатысты.