«Зырян» ауданын неге «Алтай» деп ауыстырдық?

Шығыс Қазақстан облысына қарасты Зырян ауданы атауын «Алтай» деп өзгерту мәселесі көтерілді. Көтерілген мәселені жерге қалдырмай облыс әкімі Даниял Ахметов мақұлдады.

«Зырян» ауданы туралы не білеміз?

1791 жылы Зырян қаласы аудан орталығы ретінде бекітілді. Жалпы ауданның құрылу уақыты – 1977 жылы 23 мамыр. Ал жалпы құрылған уақыты – 1928 жылы 17 қаңтар.

Аудан ШҚО-ның солтүстік-шығысында орналасқан. Негізгі шекараласатын аймағы Ресей федерациясының Алтай өлкесі.

2015 жылғы пайыздық көрсеткіш бойынша орыс ұлты – 77,26%, қазақтар – 19,62%, татарлар – 1,07% құрайды.

Алтай – түркі әлемінің алтын бесігі

Мәселенің мәніне барайық. «Алтай – түркі әлемінің алтын бесігі» дейді Қожырбайұлы Мұхамбеткәрім. Ал Зырян ауданын «Алтай» деп ауыстыруды бірден мақұлдауға не түрткі болды?

Жоғарыда атап өткеніміздей бізге жақын орналасқан және тікелей шектесіп жатқан ел Ресейдің Алтай өлкесі. Одан бөлек аталған аудан Кенді Алтайдың солтүтсік-шығыс бөлігінде орналасқан. Ал Кенді Алтайға байланысты орыстың pikabu.ru сайтында "Қазақстандағы орыс жері: Кенді Алтай" мақаласы жарық көрген болатын.