Илья Ильин Катардағы жарысқа неге қатыса алмады?

Қазақстандық ауыр атлет Instagram-дағы парақшасында Катарда турнирге неге қатыспағанын айтты. Әлемнің төрт дүркін чемпионы алдымен бірінші орынды иелеген Қазақстан құрамасын құттықтады.

"Жарайсыңдар, жігіттер! Еліміз үшін турнир Кубогын жеңіп алып, бірінші орыннан көріндік!", — деп жазды Илья Ильин.

Ал 2020 жылғы Олимпиадаға лицензия беретін маңызды жарысқа омыртқасындағы жарақаты кедергі болғандықтан қатыса алмаған.

"Омыртқамдағы жарақат қатысуыма мүмкіндік бермеді. Дегенмен, қазіргі таңда емделіп жатырмын.  Ал жарысқа қатысуды 2019 жылдың сәуірінде Қытайдағы Азия чемпионатынан бастаймын", — деп айтты ауыратлет. 

Ильин бұған дейін Дохада өтіп жатқан Олимпиада-2020-Катар кубогы лицензиялық турнирінде ең ауыр салмаққа тапсырыс беріп, тұғырға шықпағаны хабарланған еді.  Омыртқадағы жарақатына байланысты спорттық карьерасын аяқтауы мүмкін екенін мәлімдеген болатын. Денсаулығына байланысты ол күзде Түрікменстанда өткен әлем чемпионатына да қатыса алмады.