АҚШ Сауд Арабиясындағы әскер санын арттырмақшы

Сауд Арабиясының королі Салман бин Абдель Азиз және мұрагер ханзадасы Мұхаммед бин Салман елде АҚШ-тың қосымша әскерін орналастыруды мақұлдады.

Америка Құрама Штаттары алдағы апталарда Сауд Арабиясында қосымша қару-жарақ орналастырады деп мәлімдеді АҚШ басшысы Дональд Трамп. Бұл туралы Ақ үйдің сайты хабарлайды.

Жіберілетін қосымша күштерді қосқанда, Сауд Арабиясындағы АҚШ әскерлерінің жалпы саны үш мың адамды құрайтындығы айтылады.

- Олар қанша уақыт қажет болса, сонша уақытқа қалады, - деді АҚШ басшысы.

Сонымен қатар, Сауд Арабиясына радарлар мен зымыранға қарсы қорғаныс жүйелері де жіберіледі.

АҚШ-тың Сауд Арабиясында үш мың сарбазды орналастыру жоспары 11 қазанда хабарланған болатын.

Сонымен қатар, АҚШ Қорғаныс министрі Марк Эспер екі жойғыш эскадрильдерді, бір экспедициялық әуе қанатын (AEW), бір THAAD жүйесін және Patriot жүйесінің екі зымыран батареяларын Корольдікке жіберуге рұқсат етті.

14 қыркүйекке қараған түні Сауд Арабиясының ұлттық мұнай компаниясы Saudi Aramco аумағында дрондардың шабуылы салдарынан өрт шығады. Бұл шабуыл үшін жауапкершілікті «Ансар Аллах» қозғалысының хуситтік йемендік көтерілісшілері өз мойнына алады. Сондай-ақ тамыз айында олар Сауд Арабиясының астанасы Эр-Риядқа «Самад-3» дрондарын қолдана отырып соққы берген болатын.

Саудиялықтар да, Америка Құрама Штаттары да шабуылдардың артында Иран тұрғанына «дәлел бар» деп мәлімдейді.