Италияда отшашу қоймасы жарылған

Италияның Сицилия аралындағы пиротехникалық қоймада болған жарылыстан төрт адам қайтыс болып, тағы екі адам жарақат алды. Бұл туралы La Repubblica газеті хабарлайды.

Оқиға Мессина провинциясындағы Барселона-Позцо-ди-Готто елді мекенінде болған. Қойма отшашу өндірісімен айналысатын жеке компанияға тиесілі. 

Қайтыс болғандардың арасында - компания иесінің әйелі, ал жараланғандар арасында - оның ұлы бар екені айтылған. Тағы бір адам хабарсыз кетті.