2016-2019: Бәйтерекке 824 миллиард теңге бөлінді

Отырыста 2020 жылға арналған жылдық бюджет және 2019-2021 жылдарға арналған Даму жоспарына өзгерістер бекітілді, сонымен қатар басқа да мәселелер қаралды. "Бәйтерек" ҰБХ" АҚ-ға республикалық бюджеттен және ҚР Ұлттық қорынан 824 млрд теңге бөлінді.

Бұл қаржы жалға берілетін тұрғын үй құрылысын қаржыландыруға, үлестік салымдарды кепілдендіруге, отандық экспортшыларды, қазақстандық шикізаттық емес тауарлар өндірушілерін және сыртқы нарықтарда қызмет көрсетушілерге қолдау көрсетуге, ауылдық елдімекендерді кең жолақты интернет желісімен қамтамасыз етуге, 2015-2019 жылдарға арналған ИИДМБ мен «Бизнестің жол картасы – 2020» бизнесті қолдау мен дамытудың мемлекеттік бағдарламасын іске асыруға, «Сарыарқа» магистралды газ құбырын салуға, көп балалы, толық емес және аз қамтылған отбасыларды несиелендіруге және басқа да жобаларға бағытталыпты.

Отырыста 2017-2021 жылдарға арналған түзетілген даму жоспары мен 2019 жылға арналған «Бәйтерек» холдингінің жылдық бюджеті, сын-тегеуріндер бойынша есеп, Холдингтің Ішкі аудит қызметінің 2019 жылдың үшінші тоқсанына есебі, жылдық бюджеті және «Бәйтерек» холдингінің директорлар кеңесінің 2020 жылға арналған жұмыс жоспары бекітілді.  «Бәйтерек» ҰБХ» АҚ даму жоспарына «ҚТҮҚЖБ» АҚ-ның «Өз үйім» бағдарламасын, автомобиль өнеркәсібі мен құрылыс секторындағы жобаларды іске асыру, көлік және индустриялық инфрақұрылымды жаңғырту, өңдеу өнеркәсібін қаржыландыру және т.б. мақсаттарда түзетулер енгізілді.

inbusiness.kz