Гонконг заң жобасына байланысты Пекин Вашингтонға наразылық білдіруде

Бейжің Вашингтонға «Гонконгтың ісі – тек Қытайдың ішкі мәселесі, сондықтан ешқандай шетелдік мемлекет оларға араласуға құқылы емес» деп атап көрсетті. Бұл туралы mk.ru хабарлайды.

АҚШ Конгресінің «Гонконгтағы адам құқықтары мен демократияны қорғау туралы» заң жобасын қабылдағанына сілтеме жасай отырып, Қытайдың Сыртқы істер министрінің орынбасары Чжэн Цзэгуан тиісті мәлімдеме жасады. Осыған орай, Американың Пекиндегі елшісі Терри Брэнстед министрлікке шақырылды. Қытай СІМ басшысының орынбасары американың дипломатиялық миссия басшысына наразылық білдіріп, баяндама жасады.

- АҚШ осы заң жобасы арқылы Қытайдың ішкі істеріне ашық түрде араласуда, шындықты елемейді, қараны ақ деп тануда, «антиқытайлық хаос» тудыратын күштердің зорлық-зомбылық әрекеттерін құптауда және қолдауда, - деді қытай дипломаты, АҚШ тарабын халықаралық құқықты өрескел бұзды деп айыптай отыра.

АҚШ заң шығарушылары мақұлдаған құжат президент Дональд Трампқа қол қою үшін жіберілген болатын.