Шымкент заңгерлері халыққа тегін кеңес берді

Қазақстанның барлық қалаларында 22 қараша күні сағат 17.00-ден бастап «Халықтық заңгер» жалпы ұлттық науқаны басталды. Ал 23 қараша күні «Мега» ойын-сауық сауда орталығында және Халыққа қызмет көрсету орталығында «Халықтық заңгер» жалпыреспубликалық акциясы өтті. Аталған іс-шараның мақсаты-құқықтық көмек пен қолдауды қажет ететін адамдарға көмек көрсету болып табылады.

Акцияға Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің, прокуратура, полиция, медиаторлар, адвокаттар, әділет, жергілікті атқарушы органдардың және «Шымкент-адалдық алаңы» жобалық кеңсесінің өкілдері бірнеше сағат ішінде 1200 адамға кеңес берді.

Сондай-ақ, халықты қабылдау процесін ұйымдастыруға волонтерлар белсенді қатысып, олар тұрғындарды сұрақтарына байланысты қажетті мамандарға бағыттап отырды.

Заң факультетінің студенттері арасынан волонтерлар құқықтың түрлі салаларында бағдарланғанын іс жүзінде дәлелдеп, осындай міндетке жауапкершілікпен қарады.

Сондай-ақ, шара барысында сыбайлас жемқорлыққа қарсы іс-қимыл мәселелері бойынша ақпарат немесе кеңес алуға болатын 1424 Call- орталығы көрсетілген арнайы парақшалар таратылды.

Науқанды ұйымдастырушылар – zakon.kz интернет-басылымы, Қазақстан Республикасының Сыбайлас жемқорлыққа қарсы іс-қимыл агенттігі және Параграф ақпараттық жүйесі. Сонымен қатар бұл науқанды Қазақстанның үздік заңгерлері мен адвокаттары қолдады.

Осы жылдар ішінде «Халықтық заңгер» науқаны қарапайым Қазақстандықтар үшін дәстүрлі және сүйікті жобаға айналды.

Бүгінгі таңда, ауқымы мен географиялық көлемі жағынан «Халықтық заңгер» науқанының тек Қазақстанда ғана емес, бүкіл әлемде де теңдесі жоқ.