Шымкент – ТМД-ның мәдени астанасы

Брест ТМД мәдени астанасы эстафетасын 9 желтоқсан күні Шымкентке бермек, деп хабарлайды БЕЛТА агеттігі.  

ТМД Мемлекетаралық гуманитарлық ынтымақтастық қорының (МГЫҚ) мәліметінше, Брест Достастықтың мәдени астанасы ретіндегі құрметті мәртебесін аяқтамақ. Осы жылдар ішінде аталған қалада ТМД-ның түрлі елдерінен келген шығармашылық ұжымның қатысуымен жүздеген музыкалық, білім беру және театрлық бағдарламалар жүзеге асырылды. 9 желтоқсанда Беларусьте Ленин комсомолы атындағы Брест академиялық драма театрында өтетін салтанатты шара осы жылдың қорытынды аккорды болмақ. Бұл жерде Брестің эстафетасын Шымкент қабылдап алады. Қазақстанның осы қаласы 2020 жылы Достастықтың мәдени астанасы болады.

Мерекелік концертке ТМД елдерінің үздік өнерпаздары қатысады. Ал «Достастық дебюттері» премиясының лауреаттары қонақ ретінде шақырылды. Сондай-ақ, ТМД-да Мәдениет жылы деп жарияланғандықтан, 2018 жылдың қорытындысы бойынша ТМД Мемлекетаралық гуманитарлық ынтымақтастық қорының жастар сыйлығы табыс етілмек. Лауреаттар арасында Беларусь өнер академиясының графика кафедрасының оқытушысы Федор Шурмелев, «Астана операның» балет солисі Айгерім Бекетаева, Новосібір опера және балет театрының балеринасы Ольга Гришенкова, Қырғыз опера және балет театрының солисі Нұржігіт Асанов, тәжік эстрадасының әншісі Мехринигори Рустам, Әзербайжан операсының солисі Афаг Аббасова-Будагова бар.