Шымкентте «Қауіпсіздік - балалар көзімен» тақырыбында дөңгелек үстел өтті

Шымкент қаласындағы оқушылар сарайында кәмелетке толмағандар қатарындағы өрендермен, сонымен қатар, "Жас ұлан" ұйымының, "Адал ұрпақ" ерікті клубының белсенді мүшелерінің қатысуымен "Қауіпсіздік - балалар көзімен" тақырыбында дөңгелек үстел өтті. 

Дөңгелек үстелдің негізгі діңгегі жасөспірімдер арасындағы келеңсіз оқиғалардың алдын алу және оны болдырмау мақсатында ұйымдастырылған жиында қаламыздағы 41-мектептің белсенді оқушыларының "мектеп көшбасшыларының басын қосатын өзін-өзі басқару ұйымы" жобасы да қызу талқыланды. Жігерлі жасөспірімдер бас қосқан дөңгелек үстелді Шымкент қаласының білім басқармасы ұйымдастырып отыр.