Виза соғысы: АҚШ Ресейге жаңа соққы жасады

АҚШ аудит жөніндегі халықаралық конференцияға қатысуға бармақ болған орыс делегациясына виза бермей қойды. Бұл туралы ақпарат Вашингтондағы Ресей елшілігінің сайтында жарияланды.

- Жақында ғана Вашингтонға 3 желтоқсанда аудиторлық мамандықты реттеу халықаралық институтының конференциясына қатысу үшін келетін Федералдық қазынашылық делегация виза ала алмады, — деп хабарлады дипломаттар.

Сондай-ақ, елшілікте АҚШ Мемлекеттік департаменті Ресей СІМ шетелдегі отандастармен жұмыс жөніндегі департаментінің директоры Олег Мальгиновтың Нью-Йоркке келуіне кедергі келтіргенін атап өтті. Ол 28-29 қарашада Жастар форумына қатысуы тиіс еді.

Ресей Сыртқы істер министрлігі 10 қарашада АҚШ елшілігінің мәскеулік "Спартактың" ойыншыларына виза беруден бас тартуына жауап бере отырып: "АҚШ ресейліктерге қарсы нағыз визалық соғысты ашты. Визаны бермеу күрестің тағы бір заңсыз қаруына айналды", — деп атап өтті.