Шымкенттік батыр аналар тағы да қуанышқа кенелді

1 желтоқсан — Қазақстан Республикасының Тұңғыш Президенті күніне орай Шымкент қаласының жұмыспен қамту және әлеуметтік қорғау басқармасы, «Nur Otan» партиясының Шымкент қалалық филиалы және Meyirim.kz электронды қайырымдылық порталының ұйымдастыруымен  «Nur Otan» партиясының мәжіліс залында  қайырымдылық іс-шарасы өтті.

Аталған іс-шарада 20 аз қамтылған, көпбалалы аналарға өз кәсібін дамыту үшін техникалық бұйымдар табысталды.

Сонымен қатар, Шымкент қаласының жұмыспен қамту және әлеуметтік қорғау басқармасы және Нұр Отан партиясының Шымкент қалалық филиалы мен «Meyirim.kz» электронды қайырымдылық порталы басшылары қайырымдылық шараларды бірлесе өткізу жөнінде үш жақты меморандумға қол қойды.