Шымкентте Елбасы күніне орай БАҚ спартакиадасы өтті

Шымкент қаласының ішкі саясат және дін істер басқармасы мен Журналистер Одағының қалалық филиалының ұйымдастыруымен Қазақстанның тұңғыш Президенті күніне орай БАҚ өкілдері арасында спартакиада өтті.

Спартакиаданың ашылу салтанатында Шымкент қаласы әкімінің бірінші орынбасары Қ.Нұртай қатысушыларды Қазақстанның Тұңғыш Президенті күнімен құттықтап, спорттық бәсекеде сәттілік тіледі.

– Оңтүстік журналистикасы - өңірдің өркендеуіне ерен еңбек етіп келеді. Ал Шымкент қаласы еліміздегі көнеден келе жатқан бай тарихы бар, өзіндік дәстүр-салты, мәдениеті қалыптасқан шаһар. Халқымыздың бойындағы жақсы қасиеттерімен ерекшеленіп тұратын сүйікті шаһарымызды қала әкімі Ерлан Айтаханов «Шымкент-қайырымды қала» деп жариялады. Яғни, сіздер мен біздерді келер жылы үлкен жұмыстар күтіп тұр.

Бүгінгі спорттық сайысқа Шымкент қаласы мен Түркістан облысынан келген 32 команда волейбол, футбол және бильярдтан бақ сынасып, жүлдегерлер бағалы сыйлықтармен марапатталды.