Путин Зеленскиймен кездеседі

Ресей президенті Владимир Путин Парижде алдағы саммитте «нормандық төрт ел» басшыларымен, оның ішінде украиналық әріптесі Владимир Зеленскиймен жеке кездесулер өткізуді жоспарлап отыр. Бұл туралы мемлекет басшысының баспасөз хатшысы Дмитрий Песков мәлімдеді, деп хабарлайды ТАСС.

"Ресей көшбасшысы саммитке «Норман форматында» байсалды көзқараспен барады" деп сендірді Песков. Сонымен қатар ол Франция президенті Эммануэль Макронмен, Германия канцлері Ангела Меркельмен және Зеленскиймен маңызды екіжақты кездесулер өткізуге ниетті.

Кремль мемлекет басшыларының кездесуінен Донбастағы жағдайды шешуге және «Минск-2» шайылуын болдырмау бойынша бағытталған қадамдар күтеді.

Украина басшысы Путинмен тікелей келіссөздерсіз Донбаста толық атысты тоқтату мүмкін емес деп бірнеше рет айтқан болатын. Зеленский ресейлік әріптесімен кездесуге дайын екендігін де білдірген еді.

Украинаның сыртқы істер министрлігі бұл ел «норман төрті» саммитіне «ашық идеялармен, ашық ойлармен» қатысуға ниетті деп атап өтті.

«Норман форматы» -  Донбастағы жағдайды реттеу үшін құрылған Германия, Ресей, Франция және Украина өкілдерінің дипломатиялық тобы.