Шымкенттік студенттер тәжірибе жинады

М.Әуезов атындағы ОҚМУ Ветеринарлық медецина кафедрасының студенттері Шымкент-Цирк мекемесіндегі жануарлар бөліміне экскурсия жүргізді.

Кездесу барысында аңдар мен жануарлардың күнделікті қорегінен бастап, оларды күтіп, баптау ерекшеліктері талқыланды. Сондай-ақ, төрт аяқтылардың арнайы екпелері сөз болып, сапарларға шығудағы құжаттарының сақадай сай болуы тілге тиек болды.

Айта кетейік, студенттер арнайы мамандардан көкейіндегі сұрақтарды қою арқылы, өздеріне деректер ала білді. Екі жақты тәжірибе алмасу, мамандардың білім деңгейін жоғарылатып, біліктілігін арттырары сөзсіз.