Шымкентте «Ontustik Startup 2020» байқауы басталды

Шымкент қаласындағы Назарбаев интеллектуалды мектебі, Шымкент қаласы кәсіпкерлер палатасы, Шымкент қаласы кәсіпкерлік және индустриалды-инновациялық даму басқармасымен бірлесіп республика бойынша жалпы білім беретін мектептердің 9-11 сынып оқушыларына «Ontustik Startup 2020» конкурсын жариялады.

Аталған конкурсқа өтінімдер 2019 жылдың 15 желтоқсанына дейінгі мерзімде қабылданады.

Конкурстың басты идеясы өмірдің сапа стандарттарын жетілдіруге бағытталған өзекті, әлеуметтік маңызға ие және перспективалық бизнес бастамаларды қолдау және іріктеу, сондай-ақ, бизнес қауымдастық пен жоба авторларының қарым-қатынасын жетілдіруге бағытталған.

Конкурстың мақсаты:

- креативті және инновациялық идея мен жобаларды іздеу;

- Жасөспірімдерді пайдалы және рентабельді идеяларды ойлап табуға қолдау көрсету;

- Жас әрі инновациялық жасөспірімдерді тәрбиелеу болып табылады.

Аталған конкурс бойынша «Туризм», «Ақпараттық технологиялар», «Ғылым және Технология», «Әлеуметтік жобалар», «Агро-бизнес» секциялары бойынша өтінімдер қабылданатын болады.

Қазіргі таңда, конкурсқа оқушыларды қатыстыру үшін арнайы onstartup.kz сайты даярланды, яғни, өтінім осы сайт арқылы беріледі.

Осыған орай, осы жобаға Сізден мектебіңіздің 9-11 сынып оқушыларын белсенді қатыстыруға шақырамыз.