Шымкентте «Қамқоршылар күніне» орай қайырымдылық шарасы өтті

Шымкент қаласында қалалық Отбасы, балалар және жастар істері жөніндегі басқармасының ұйымдастыруымен Ы. Алтынсарин атындағы № 65 мектеп-гимназиясында жетім және ата-анасының қамқорлығынсыз қалған балаларға қайырымдылық шарасы өтті. Іс-шараға 6-13 жас аралығындағы балалар қатысты.

Жылда өткізілетін іс-шара аясында демеушілердің көмегімен 100-ге жуық бала бас киім, сырт киім, аяқ киімдермен қамтылды. Сонымен қатар, Шымкент қаласының отбасы, балалар және жастар істері жөіндегі басқармасының тарапынан көпбалалы 7 қамқоршы мен 27 демеуші алғыс хаттармен марапатталды.

Айта кетейік, қазіргі таңда қаламыз бойынша жетім және ата-анасының қамқорлығынсыз қалған 763 бала қамқоршылық пен қорғаншылықта, 26 бала патронаттық тәрбиеде тәрбиеленуде.

Шымкент – қайырымды қала. Ізеттілік пен мейірімділік, кішіпейілділік пен сыйластық бұл Шымкент тұрғындарына тән қасиет. Демек, біз кез келген бастама мен игі істі осы бағытпен жүзеге асырсақ өзгелерге үлгі боларымыз сөзсіз.