Шымкентте қазақтың ұлттық өнер фестивалі өтеді

2020 жылы күзде Шымкент қаласында қазақтың ұлттық өнерін шебер меңгерген этностар өкілдерінің «Өнеріміз саған, Қазақстан!» атты республикалық фестивалі өтеді.

- Іс-шараның мақсаты Қазақстанда тұратын этникалық топтар арасында қазақ халқының өнері мен мәдениетін жан-жақты насихаттау және дамыту, Қазақ ұлттық өнерін жетік меңгерген этникалық топтар өкілдерінің арасында жас таланттарды анықтау, Қазақстан халқының достығын, бірлігін және патриотизмін нығайту болып табылады. Қазақстанның этникалық топтары арасында Қазақ ұлттық өнерінің үздік орындаушыларын анықтау, - деп хабарлайды Шымкент қаласының Мәдениет, тілдерді дамыту жəне архивтер басқармасы.

Гала-концертте этникалық топтардың үздік өкілдері өнер көрсетеді, біздің елімізде тұратын қазақ әндері, билері мен күйлері шырқалады. Сонымен қатар, іс-шараға көптеген халықаралық, республикалық конкурстар мен фестивальдердің жеңімпаздары мен лауреаттары шақырылады.