Шымкентте келесі жылы «ақылды автотұрақтар» іске қосылады

Аталмыш жоба Шымкент қаласын «Ақылды қалалар» санатына қосу үшін жүзеге асырылмақ. Қалалық Цифраландыру басқармасының мәлімдеуінше, жобаның пилоттық режімі қосылып, өзін оңды жағынан көрсете алған.

Сондықтан оны біржолата іске қосу жұмыстары жасалып жатыр. Әзірше, Бауыржан Момышұлы бойындағы 100 орынға электронды автотұрақ орнату жоспарланып отыр.

- Бұл бір жағынан қаладағы көлік кептелісін азайтуға септігін тигізеді. Екінші жағынан, қала бюджетіне түсетін қаржыны арттырады, көлеңкелі бизнестің алдын алады. Ақылды автотұраққа тоқтаған жүргізушілер оның ақысын электронды түрде төлеп, автокөліктерін қойып кете алады, - дейді басқарма басшысы Айдос Оспанов.