31 желтоқсанда WhatsApp жұмысын тоқтатады

Ескі жүйеде қосымшаның функциясын одан әрі кеңейту мүмкін болмағасын компания осындай қадамға барған. Бұл жайында Daily Mail хабарлады.

Windows Phone-да хат алмасу сервисі 2019 жылдың 31 желтоқсанында тоқтатылады. Операциялық жүйесі Android 2.3.7-ден және iOS 8 –ден ескі болса бұл қызмет 2020 жылдың 1 ақпанынан бастап қолжетімді болмайды. Басылымның ақпаратына сәйкес, миллиондаған адам WhatsApp-сыз қалады.

Мессенджер Android 4.0.3-тен және iOS 9-дан бастап қолжетімді болады. Компания мұндай қадамға ескі жүйеде қосымшаның мүмкіндігін одан әрі кеңейту мүмкін болмағасын барған. Бұған дейін WhatsApp қолданушы жіберген хабарламаларды автоматты түрде өшіретін функция қосатынын хабарланған болатын. Сондай-ақ, таймер уақытын да реттеуге болады. Бір сағат, бір күн, апта, ай және жылдан соң деп белгілеуге болады.  

Айқын