«Egemen Qazaqstan» газет-сайтынан «Shymkent» айдары ашылмақ

Мұны «Egemen Qazaqstan» газетінің басшылығы мен тілшілері Шымкент қаласының оқырмандарымен жүздескен кезде айтылды.

Газет басшылығының айтуынша, басылымға жазушылардың төрттен бірі оңтүстік аймақтың азаматтары. Яғни, 50 мың оқырман оңтүстіктен жиналғандар. Сондықтан ғасырлық тарихы бар басылымының Шымкентке деген құрметі мен ризашылығы шексіз.

Соған орай қала әкімі Ерлан Айтаханов Шымкент қаласының келесі жылы ТМД елдерінің мәдени астанасы болатынын әрі соның аясында ақпараттық қолдау шараларын ұйымдастыру үшін «Egemen Qazaqstan»-нан арнайы Шымкентке арналған қосымша ашылатынын тілге тиек етті.

- Онда шаһардың жаңалықтары айшықталатын болады, - дейді Егемен Қазақстан» республикалық газеті» АҚ басқарма төрағасы Дархан Қыдырәлі.