Перуда бортында кокаин тиеп бара жатқан қайық ұсталды

20 метрлік сүңгуір қайықтың экипажында екі колумбия азаматы, бір мексика және бір эквадор азаматы болған. Олардың Эквадорда жүктерді алып, Мексикаға қарай бет алғандығы айтылады. Бұл туралы iz.ru хабарлайды.

- Операция кезінде ұсталған төрт адам Лимаға, сондай-ақ екі тоннадай кокаин де сол жаққа жеткізіледі. Ал Әскери-теңіз күштері қайықты жіті тексеретін болады, - дейді прокурор Хорхе Чавес Кортина.

Мамандардың айтуынша, есірткі картельдері 2005 жылдан бері есірткіні тасымалдау үшін суасты қайықтарын пайдалана бастаған. 

Әлемдегі кока плантацияларының 90%-дан астамы Колумбия, Перу және Боливия кіретін «Анд есірткі үшбұрышында» шоғырланған. Сондай-ақ кока аз мөлшерде Панама, Эквадор, Венесуэланың оңтүстік-батысында және Бразилияның солтүстік-шығысында өседі.