Шымкентте халықаралық тіл фестивалі өтті

24 қазанда Жастар ресурстық орталығында «Тіл тұтастығы туы» Халықаралық фестивалі өтті.

Тілдер фестиваліне Шымкент қаласының жоғары оқу орындарының командалары қатысты. 10 шақты команда өзара жарысып, көрермендерді түрлі-түсті театрландырылған қойылымдармен, музыкалық және би нөмірлерімен таныстырды.

Қатысушы командалардың ойын тәртібі жеребе арқылы шешілді.

«Ромео мен Джульетта» театрландырылған қойылымымен бірінші орынды SILKWAY Халықаралық университетінің студенттері иеленді;

Екінші орынды «Singing stars» мен «New generation» Оңтүстік Қазақстан медициналық академиясының командалары бөлісті;

Үшінші орынды М.Әуезов атындағы Оңтүстік Қазақстан мемлекеттік университетінің студенттері иеленді.

Фестивальдің барлық қатысушылары алғыс хаттармен және бағалы сыйлықтармен марапатталды.