Шымкентте «Тәуелсіздік – азаттығым, бақ күнім!» атты кеш өтті

Еліміздің сан мың жылдар бойы найзаның ұшымен, білектің күшімен, кешегі дүниені дүр сілкіндірген Желтоқсан оқиғасымен келген тарихымызда алтын әріптермен жазылып қалған Тәуелсіздігіміздің 28 жылдығы мерекесіне орай Шымкент қаласындағы  Пушкин кітапханасында «Тәуелсіздік – азаттығым, бақ күнім!» атты кеш өтті. Кешке 55652 әскери бөлімінің қызметкерлері, кітапханашылар және оқырмандар қатысты.

Іс-шара барысында Желтоқсан құрбандарын мәңгі еске сақтау, елдің азаттығы мен тәуелсіздігі жолында құрбан болғандардың ерлігі туралы бейнебаян көрсетілді. Әскери бөлімнің қызметкерлері өз еліне деген сүйіспеншілігін ән-жырларымен жеткізіп, кеш әсерлі өтті.