Еңбекші ауданында қандай ономастикалық жұмыстар жасалды?

Аудандағы негізгі 17 көшеде орналасқан 298 коммерциялық нысандарда маңдайша мәтіндерін заң талаптарына сай ретке келтіру бойынша және коммерциялық нысандардағы маңдайша мәтіндерінің түнгі мезгілде жартылай жанбай мән-мағынасыз болуына байланысты рейдтік іс-шара ұйымдастырылды.

Іс-шара барысында 43 коммерциялық нысанға кемшіліктерді түзету жөнінде түсіндіру жұмыстары жүргізілді.

- Нәтижесінде коммерциялық нысанның кемшіліктері жойылып, қалпына келтірілді. Ауданда 596 даңғыл, көшелер мен өткелдер бар, 2019 жылы жаңа атау беру бойынша ұсынылған көше саны – 75, - дейді Шымкент қаласының Еңбекші ауданының әкімі аппаратының басшысы Ғалымжан Молдабайұлы.  

Сонымен қатар, 2019 жылы аудандағы 659 көпқабатты тұрғын үйге QR-коды бар тақтайшаны орнату үшін қалалық бюджеттен қаржы бөлініп, орнату жұмыстары жүргізілді.