Алматыда мереке күндері полиция күшейтілген режиммен жұмыс істейді

Алматы полициясы күшейтілген қызметке кірісті. Қоғамдық тәртіпті сақтау, көшеде және қаланың басқа да қоғамдық орындарында заңбұзушылықтың алдын алу мақсатында мереке қарсаңында "Құқық қорғау қызметі" республикалық жедел алдын алу шарасы өтіп жатыр деп хабарлайды Almay.tv Алматы полиция департаментінің баспасөз қызметіне сілтеме жасап.

Бұл шараға ішкі істер органдарының күшейтілген режимде қызмет ететін барлық бөлімі қатысты. Жергілікті полиция инспекторлары, көші-қон қызметінің қызметкерлері, криминалдық, патрульдік полиция қызметкерлері және тұрғындар арасында жедел топтар құрылды. Қылмыстық және әкімшілік құқықбұзушылық болуы мүмкін жерлерде тиісті тәртіп пен құқықтық тәртіпті қамтамасыз ету үшін бақылау күшейтілді. Мереке күндері полиция қызметкерлері ішкі істер органында тіркеуде тұрған азаматтардың үйіне кіріп шығады. Азаматтық қаруы бар адамдардың қаруды ережеге сай ұстап жүрген-жүрмегені тексеріледі, - деді Алматының полиция басқармасы бастығының бірінші орынбасары, полиция полковнигі Нұрлан Алмасбеков.

Жергілікті полиция қызметінің мәліметінше, қала аумағында бітімгершілік операцияларын жүргізген екі күннің ішінде 200-ге жуық қылмыс ашылып, бұған дейін болған 46 адам өлтіру фактісі мен тонау ісі ашылды. Іздеуде жүрген 13 қылмыскер ұсталды. Хабар-ошарсыз кеткен 32 адамның қайда екендігі анықталды.