Шымкент қаласы мектептерінің оқулықпен қамтылуы қалай?

Қазақстан Респубикасы Білім және ғылым министрлігінің жоспарына сәйкес 4, 9, 10-сыныптарды оқулықтармен 100% қамтамасыз ету және 1-сыныптың 4000 оқушыға арналған оқулықтар алуға 2 млрд. 141 млн. 905 мың теңге қаралған. Оның ішінде оқулықтарды тасымалдау үшін – 9 млн. 416 мың теңге жұмсалмақ.

Білім басқармасының мәліметтеріне сүйенсек, оқулықтарды сатып алу бойынша 13 баспамен келісім-шарттар жасалып, қазіргі таңда оқулықтар 100% (жалпы оқулық саны – 1 186 907 дана) қалаға жеткізіліп, мектептерге таратылды.

2019 жылдың шілде айында «Оқушылар сарайы» базасында IT-орталық және 5 мектепте (№1, 7, 23, 65, 80) IT-сынып жабдықталып, ағымдағы жылдың қыркүйек айынан бастап жұмыс жасайтын болады.