Шымкенттік студенттердің қаншасы жұмысқа орналасты?

Шымкент қаласы аумағында 29 колледжде 28 897 студент білім алуда. Оның ішінде: 11 мемлекеттік колледжде – 14 056 студент, 18 жекеменшік колледжде – 14 841 студент.

- Оның 8 470 студент мемлекеттік тапсырыс негізінде жергілікті бюджеттен қаржыландырылады. Оның ішінде, ағымдағы жылы жергілікті бюджет есебінен мемлекеттік тапсырыс бойынша 11 колледжге 2 358 студент қабылданды, - дейді Шымкент қалалық білім басқармасының басшысы Айгүл Текебаева.

Бүгінгі таңда, дуалды оқыту жүйесі қаладағы 11 мемлекеттік колледждің 7-інде енгізілген, онда 950 студент білім алуда. Шымкент қаласында 2018 жылы мемлекеттік тапсырыспен оқыған 2 839 бітіруші студенттің 2 520-ы немесе 89%-ы жұмысқа орналасқан.