Шымкентте жаңартылған білім бағдарламасын меңгерген мұғалімдер қанша?

2019 жылы қаладағы білім беру ұйымдарындағы педагог қызметкерлердің саны – 25 341. Оның ішінде 21 мыңға жуығы мемлекеттік мектептерде жұмыс істейді.

 - Жаңартылған білім беру бағдарламасына көшу бойынша жоспарға сәйкес ағымдағы оқу жылында мектептердің 4,9,10-сынып оқушылары жаңартылған білім беру мазмұны бойынша білім алатын болады, - дейді Шымкент қалалық білім басқармасының басшысы Айгүл Текебаева.

Осы орайда бүгінгі күнге дейін мектептердегі педагог қызметкерлердің 94%-ы, яғни, 16 492 ұстаз жаңартылған білім беру бағдарламасына сәйкес біліктіліктерін арттырған болса, жыл соңына дейін 1 980 педагог білімдерін жетілдіретін болады.