Ауа-райы: Алматыда жауған қарды тазалау шаралары жүргізіліп жатыр

Бүгін, Алматыда сағат 10:30-да қар жауды.

Кешкі 17:00-дегі ақпарат бойынша қалада 1,5-2 см, тау бөктеріндегі аудандарда 5-6 см-ге дейін қар түсіпті. Дәл қазіргі кезде автомобиль жүретін жолдарға тайғаққа қарсы материалдар себіліп жатыр. Сонымен қатар арнайы бригада жаяу жүргіншілер аймақтарын, тротуарларды, аялдамаларды тазалап жатыр.

«Қазіргі уақытта 531 бірлік арнайы техника, оның ішінде 192 құм шашқыш және 1 531 жол жұмысшылары жұмылдырылды», - делінген әкімдік хабарламасында.

Әкімдіктің айтуынша, түнгі уақытта 438 бірлік техника (182 құм шашқыш) және 274 жол жұмысшылары шығады. Егер қажет болса, жол полициясының патрульдік машиналарының ілесіп жүруімен жол бөліктерінен өтіп бара жатқан колонналармен қар күреледі екен.