Шымкент қаласының ғылыми кітапханасында ақын-жазушылардың көрмесі орналастырылған

Шымкент қалалық «Отырар» кітапханасында «Рухани жаңғыру» аясында жарық көрген Оңтүстік қаламгерлерінің кітаптары орналастырылған көрме ашылған. Кітапхана әкімшілігінің айтуынша, танымал қаламгерлер арнайы күндері оқырмандармен кездесу ұйымдастырып, жастармен кездеседі. Кей жастардың жазушылардан бата сұрап келетін кездері де болатын көрінеді.

Ақын, журналист, аудармашы, К.Симонов атындағы халықаралық сыйлықтың лауреаты, халықаралық “Алаш” әдеби сыйлығының лауреаты Нармахан Бегалыұлының «Жаз-жалбыз» кітабы, жазушы, аудармашы, ғалым, ҚР Мәдениет саласының үздігі Нұрғали Қадырбаевтың «Шығыстың Сұлтанбегі» кітабы, ақын, әдебиет зерттеушісі, сыншы халықаралық “Нәзір қоры” сыйлығының лауреаты Сәрсен Бек Сахабаттың «Қырғауыл қонған жидетал» кітаптарынан үзінділер оқылып, оқырманы қауымының жүрегінен орын алды.

- Кітапхананың ішінде одан бөлек, Елбасы залы, руханият кабинеті, оңтүстіктің танымал журналистердің туындылары мен шығармашылары жиналған баспасөз бұрышы бар, - дейді кітапхананың ғылыми хатшысы Злиха Жантасова.