Шымкентте оқшылар арасында стартап байқау жарияланды

Шымкент қаласындағы Назарбаев зияткерлік мектебі республика бойынша жалпы білім беретін мектептердің 9-11 сынып оқушыларына «Ontustik Startup 2020» конкурсын жариялады.

- Конкурстың басты идеясы – өмірдің сапа стандарттарын жетілдіруге бағытталған өзекті, әлеуметтік маңызға ие және перспективалық бизнес бастамаларды қолдау және іріктеу, сондай-ақ, бизнес қауымдастық пен жоба авторларының қарым-қатынасын жетілдіруге бағытталған, - деп хабарлайды зияткерлік мектеп баспасөз қызметі.

Аталған конкурс бойынша «Туризм», «Ақпараттық технологиялар», «Ғылым және Технология», «Әлеуметтік жобалар», «Агро-бизнес» секциялары бойынша өтінімдер қабылданатын болады.

Қазіргі таңда, конкурсқа оқушыларды қатыстыру үшін арнайы onstartup.kz сайты даярланды, яғни, өтінім осы сайт арқылы беріледі.