Шымкентте зияткерлік мектептің оқушылары флешмоб ұйымдастырды

«1 Желтоқсан – Тұңғыш Президент күні» мерекесі аясындағы Шымкенттегі химия-биология бағытындағы Назарбаев зияткерлік мектебінің оқушылары «Көрме» орталығында флешмоб ұйымдастырды. Мерекелік шараға 250-ге жуық адам қатысты.

Өнерпаздар рухты әндерге би билеп, мерекенің көркін қыздыра түсті.

Флешмоб жастарды белсенділікке, Отан сүйгіштікке тәрбиелеп ғана қоймай, болашақта білікті, сұранысқа ие маман даярлауға бағытталған.

Іс-шарада Көрме орталығының директоры Зухра Әмзеқызы мен мектеп директоры Балқан Қасымов оқушыларды «1 желтоқсан - Тұңғыш Президент» күнімен құттықтап, оларға зор денсаулық пен оқуда табыс тіледі.