Шымкенттегі Назарбаев мектебінде Елбасы жазған кітаптар жайлы READx өтті

Шымкент қаласында Назарбаев зияткерлік мектебінде «1 желтоқсан – Тұңғыш Президент күні» мерекесі аясында Елбасының жазған кітаптары жайлы жоспарлы "READx" жобасы ұйымдастырылды.

Аталған жоба мектеп кітапханасында кітапхана қызметкерлері Г.Н.Тастанбекова, Ж.А.Мураталиева және педагог-ұйымдастырушы кураторлар А.Ж.Мауленова, К.О.Сарыбаева мен Ш.Е.Дарханның ұйымдастыруымен өткізілді.

Жоба спикерлері ретінде тарих пәнінің мұғалімдері К.М.Бейсенов «Ғасырлар тоғысында», Ж.Қ.Спабеков «Тарих толқынында», 9 «А» сынып оқушылары А.Сейданова мен А.Абпасова «Бейбітшілік кіндігі» және ең жас спикер 7 «В» сынып оқушысы Д.Асқаров «Сындарлы он жыл» атты Елбасының еңбектерімен бөлісті.

Сонымен қатар 7 «С» сынып оқушысы Қуандық Темірболаттың әкесі А.К.Шеримбетов Елбасының жасаған еңбектері мен оның қатысуымен бастау алған жобалар жайлы айтып өтті.

Жоба қатысушылары Н.Ә.Назарбаевтың жазған кітаптарын көпшілікпен бөлісу арқылы Зияткер жастардың Елбасы кітаптарына деген қызығушылығын арттырды.