Шымкенттің жасөспірімдер кітапханасында «Бір өлке – бір кітап» акциясы өтті

Шымкент қалалық жасөспірімдер кітапханасы "Толқыннан толқын туады" атты 2019 жылы «Бір ел – бір кітап» және «Бір өлке – бір кітап» акциялары аясында Жыл кітабы болып таңдалған кітаптарды насихаттау барысында өткізілген іс-шаралардың қорытындылау кешін өткізді.

Кеште "Бір елден - Бір өлкеге дейін... " атты өткізілген іс-шаралардан слайд-презентациясы көрсетіліп, кітапхана қызметкерлері аталмыш тақырыпта көрініс қойып әдебиет әлемінен сыр шертті. 

№28 ЖОМ оқушылары "Тербетеді жүректі ойлы өлең" атты әдеби-композиция құрса, "Мирас" колледжі студенттері Ә. Кекілбаевтың «Аңыздың ақыры» романы, Қ.Қазиевтің "Иманжапырақ" повесіне тоқталып, ой-пікірлерін ортаға салды. Жыл кітабына жаппай оқуға таңдалған кітаптардың оқырман жүрегінен ойып орын алғаны іс-шара барысында сезіліп тұрды. Кеш соңы сазды әуенге ұласып, белсене қатысқан оқырмандар Алғыс хаттармен мараптталды.