Шымкенттегі «Silkway» Халықаралық университетінде «Тәуелсіздік – Тұғырым» атты мерекелік іс-шарасы өтті. Белсенді студент жастар сахна төрінде бар өнерлерін паш етіп, егеменді елдің өрендері қандай боларын байқатты. Одан бөлек мереке қарсаңында оқу орнының ұлағатты ұстаздары мен үздік магистранттары арнайы алғыс хаттармен және төсбелгілермен марапатталды.
Оңтүстікте оңтайлы орналасқан «Silkway» Халықаралықуниверситеті профессор- оқытушылар құрамы мен материялдық базасы нық оқу орны. Бүгінгі таңда білім саласында дамудың жаңа жолдарын, тиімді тәсілдерін пайдалана отырып, шетелдік әріптестермен тығыз байланыс орнатқан. Сондай-ақ, университет көпсалалы жоғарғы оқу орны ретінде бакалавр бойынша 30 бағытта, магистрлік сала бойынша 11 бағытта білім беруде. Қазіргі таңда мұнда мектеп мұғалімдері, заңгер, экономист, бағдарлама жасаушы сынды мамандық иелерін даярлайды.
