Ертең...

Тұсау барма уақытты тоқтатарға,

Минуттар мен секундттар зуылдауда.

Қас-қағым сәт, таң атып кеш батады,

Бәйге аты секілді сағаттарда.

Байқамаймыз күндердің өткендерін,

Мәңгілікке оралмай кеткендерін.

Құр бекерге айтамыз әңгімені,

Ертең тағы жасаймын бірер істі.

Құрғақ уәде ертеңге жалғасады,

Ертеңменен өмірің тоқталады.

Тура солай ертең деп жүргеніңде,

Әзірейлі міндетін атқарады.

                                      Бибіт Нұрмұхан