Ерекше портрет

Мысырлықтар қағаз стақандардың көмегімен Тутанхамонның ең үлкен портретін салып, Гиннес рекордтар кітабына енді, деп хабарлайды News.ru порталы.

Каирдағы Гиза пирамидаларының алдында пайда болған ерекше портретті салуға жергілікті жастар атсалысқан. Олар 7260 стақанға түрлі мөлшерде кофе құйып, фараонның келбетін сомдап шыққан. Мұны  Гиннес өкілдері де рекорд танып, кітапқа тіркеді. 

Айта кеткен жөн, бұған дейін кофеге арналған қағаз стақандармен портрет салып, тұңғыш рекордты АҚШ азаматтары орнатқан. Олар 5642 стақанның көмегімен әнші Элвис Преслидің портретін салған болатын.