Президент ауыл тұрғындарына алғыс айтты

Ондаған қазақстандықтың өмірін қиған ұшақ апаты Алматы облысындағы Гүлдала елді мекенінде орын алған болатын. 

Мемлекет басшысы Қасым-Жомарт Тоқаев бұл күні құтқарушыларға көмек көрсеткен аталмыш ауылдың тұрғындарына ризашылығын білдірді.

- Қиын сәтте құтқарушыларға көмек қолын созған Алматы облысы Гүлдала ауылының тұрғындарына алғыс айтамын. Олар тамақ дайындап, ыстық шай таратты. Алматылық донорларға көп рақмет. Халқымыз тағы да қиын сәтте ауызбіршілігін, әрқашан жәрдем беруге әзір тұратындарын көрсетті, – деп жазды Президент "Twitter"-дегі парақшасында.