Емельяненко кезекті жеңісіне қол жеткізді

Жапонияның Сайтама қаласында аралас жекпе-жектен өтіп жатқан «Bellator 237» турнирінде орыс спортшысы Федор Емельяненко "UFC"-дің экс-чемпионы, америкалық Куинтон Джексонмен кездесті.

Тәжірибелі спортшы қарсыласын бірінші раундта-ақ мұрттай ұшырды. Осылайша, ол 39-шы жеңісіне қол жеткізді. 

Айта кетейік, Федор Емельяненко 46 кездесудің алтауында жеңіліс тапса, бір жекпе-жек орын алмады деп есептелген еді. Соңғы сәтсіздігі осыдан 11 ай бұрын тіркелген болатын. Сол жолы ол америкалық спортшы Райан Бейдерден жығылды.