Елімізде «ақылды» қалалардың рейтингі жасалды: Қай қала көш бастап тұр?

Қазақстанда «ақылды» қалалар анықталды. Бұл туралы ҚР Цифрлық даму, инновациялар және аэроғарыш өнеркәсібі министрлігі хабарлады.

Зерттеуге 14 облыс орталығы мен 3 қала қатысты. Бағалау 11 түрлі бағыт пен 80 көрсеткіш бойынша жүргізілді. Олар:

- денсаулық сақтау;

- білім беру;

- тұрғын үй-коммуналдық шаруашылығы;

- көлік;

- экология;

- әлеуметтік  және т.б. салалар.

Бұл рейтинг өңірлерді «цифрлық» белсенділікті арттыруға ынталандыру үшін қажет.

Рейтингті құру кезінде қандай әрекеттер назарға алынады?

- әкімдіктердің мемлекеттік қызметтерді автоматтандыруы;

- тұрғын үйлерге «ақылды» есептеуіш құралдарының орнатылуы;

- тіркелген стартаптардың саны;

- зияткерлік көлік жүйесінің енгізілуі;

- қоғамдық көліктің бағыт-бағдарын мониторингтеу және т.б. арналған қосымшалардың қолжетімділігі.

Аталмыш рейтингте бірінші орында - Нұр-Сұлтан қаласы, екінші орында – Алматы. Ал үштікті Орал қаласы аяқтайды.