Алматы қалалық жас педагогтар ассоциациясы құрылды

Ұстаз қай кезде де болмасын мектептің жүрегі, қоғамның тірегі. Ұстаз мәртебесі қашан да ұлт үшін биік болмақ. Әсіресе, жас ұстаздардың қоғам алдындағы жауапкершіліктері мол. 

Бүгінгі таңдағы ұрпақ, жас ұстаздардың алдында. Ал жас ұстаздың қоғамға сай білікті, шығармашыл, кәсіби тұрғыда жетілуі маңызды рөл атқарады.   

Биылғы жылдан бастап, Алматы қалалық білім беру басқармасы, Білім берудегі жаңа технологиялардың қалалық ғылыми – әдістемелік орталығының  қолдауымен «Жас педагогтар ассоцициясы» құрылды. Ассоциацияның негізгі мақсаты- жас мұғалімді кәсіби өсуіне бағытталған және бәсекеге қабілетті тұлға ретінде  қалыптастырып, білім беру үдерісін ұйымдастырудағы қиындықтары мен мәселелерді шешуге көмектесу. Осы мақсат негізінде 23 қаңтар күні Б.Атыханұлы атындағы № 36 гимназия қабырғасында «Жас педагогтар ассоциациясының» отырысы болды. 

Отырыс барысында ассоциация  президенті ретінде, 2018 жылғы «Өз жұлдызыңды жақ» қалалық байқауының І орын иегері, 2019 жылы «Жаңа мектепке –жаңашыл ұстаз» ІІІ Республикалық байқауының І орын иегері, Жаратылыстану ғылымдарының магистрі, жас ұстаздар ассоциациясының президенті, №36 гимназияның математика пәні мұғалімі Сұлтанқұлов Алтынбек Мұрзатайұлы сайланып, жұмыс жоспары бекітілді. Алдағы уақытта, жас ұстаздар қажырлы еңбек етіп «Еріктілер жылында» назардан тыс қалдырмай, бірігіп жұмыстануға бірауыздан  шешім қабылдады.