Трамп болат және алюминий өнімдеріне салынатын баж салығын өсірді

АҚШ президенті Дональд Трамп болат және алюминий бұйымдарына салынатын баж салығын ұлғайту туралы Жарлыққа қол қойды. Бұл туралы ТАСС Ақ үйдің баспасөз қызметіне сілтеме жасап хабарлайды.

- Бұл баж импорттық болат немесе алюминий өнімдеріне салынатын баж, алым, басқа да төлемдерден бөлек салық болып табылады, - делінген құжатта.

АҚШ Австралия, Аргентина, Бразилия, Канада, Мексика және Корея Республикасы үшін болаттан жасалған бұйымдарға, ал алюминий өнімдеріне қатысты – Австралия, Аргентина, Канада және Мексика үшін ерекшелік жасады.