Экономика
Вирустың кесірінен экономика зардап шегуде
Вирустың таралуы Қытай экономикасына соққы жасауда. Өткен аптада жаңа жылға байланысты жоспарланған мерекелік қойылымдардан бас тартқан еді. Енді ірі компаниялар өз жұмыстарын тоқтатуға мәжбүр болуда.
- Xiaomi компаниясы Қытайдағы барлық дүкендерін уақытша жапты, - деп хабарлайды Gizmochina сайты.
Барлық Xiaomi дүкендері 3 ақпанға дейін жабылған. Вирустың таралу қарқынына байланысты дүкендерді ашу немесе жабу уақытын созу сол кезде қаралмақ.
- Елімізде орын алған жағдайға байланысты, мемлекетіміздің індетпен күресуіне көмектесу мақсатында біз 28 қаңтар мен 2 ақпан аралығында дүкендерімізді жаба тұруға шешім қабылдадық. Xiaomi дүкендері 3 ақпаннан бастап істейтін болады, - делінген компанияның сайтындағы хабарламада.
Қытай компаниясымен бірге Honda Motor жапон көлік концерні де өз жұмысын тоқтатқан. Асахи газетінің хабарлауынша 10 ақпанға дейін Шанхайдағы екі Honda зауыты жұмысын тоқтатады.